عاق لامه يطلب الغفراااان

زائر

بسم الله الرحمن الرحيم

يا يمه منتهي جيتـك وطالـب منـك الغفـران
اقبـل قاعـة اقدامـك واغسلهـا بدمعـاتـي

يـا يمـه كـل مافينـي يناديلـك انـا ندمـان
طلبتك قولي سامحتـك ردي لوجهـي بسماتـي

تشوفي الشيب يا يمه ترى ماجا وانـا فرحـان
وربي الي رفـع ذاتـك ونـزل لـردى ذاتـي

فقدت الراحه من بعدك فقدت الطيبه والتحمـان
بدونك راحتي غايـه بدينـك هـذي راحاتـي

انا بعدك ولا حاجه انـا بعـدك تـرى عميـان
اشوف ولا اشـوف الـي يورينـي مساراتـي

انا وسيد الشقا والهم من بعدك غدينـا اخـوان
يجيب اهموم هـا العالـم ويرميهـا بمتاهتـي

صدقتي يوم قلتي لي تدين اليـوم بـس تنـدان
رميتك فـي بدياتـي ورمونـي فـي نهاياتـي

انا من شالك بايده ورمـاك باسفـل البركـان
نخيتنـي وطلبتينـي ولا حصلتـي نخـواتـي

مثل ماهنتي بعيوني عليهـم قلبـي يمـه هـان
رموني وطعتهم فزعه وانا الدمعـات فزعاتـي

يايمـه لا تظنينـي انـا مـن فعلهـم زعـلان
سوات فيك سويتـه وسـوو فينـي اسواتـي

يا يمـه يالله ضمينـي ودفينـي بهالاحضـان
انا ادري فيك مشتاقه وهمـك بـس ملاقاتـي

يا يمه حيل ظمينـي ابـي ارتـاح انـا تعبـان
تعبت اهرب من ذنوبي ابيـك آخـر مسافاتـي

ابسمع منك اي كلمه نسيتك مسمعـي ولهـان
ابسمع يمـه بصوتـك ابذكـر فيهـا نشواتـي

اشوفك ساكته يمـه غفيتـي ولا انـا غلطـان
غفيتي يا بعد عمري تعبتي مـن مواساتـي ؟

يا يمه يايمه طالبك قومي اذا لي بعيونك شـان
اشوف االموت بعيونك عساها بخيـب هقواتـي

تعالوا يا بشر شوفوا انـا محتـار انـا تلفـان
انا امي مدري وش فيها انا مدري انـا احاتـي

شنـو امـي انـا ماتـت لا لا تـرى غلطـان
انا امي مـا تخلينـي علـى حزنـي ووناتـي

انا امي قلبها طيب ولا يمكـن تبكـي انسـان
انـا امـي مـا تبكينـي ولا تتمنـا اهـاتـي

يا يمه صح مامتي ؟ وصح الموت تو ما حـان
اذا متي انـا بعـدك ابقضـى ويـن ساعاتـي

يا يمه قومي يا يمه وقولي المـوت لا ماكـان
انا جيتـك وانـا نـاوي انـدي فيـك جناتـي

تركتيني ومتي ليـه تركتينـي وانـا غرقـان
ولا مسمـوح يـا وليـدي ولا تلعنـك لعناتـي

انا الجاني وانا المجني وانا المخطي وانا الندمان
انـا بيـدي رميتـك ايـه وبعثرتـه ملفاتـي

وجيت من الهنا مفلس وقلبي من الضنا خسران
تركتينـي علـى نـاري اعـدد فيـك زلاتـي

ولاني مرضين ربـي ولانـي تابـع الشيطـان
انا بعـدك تـرى مابيـن نهاياتـي وبداياتـي

يا يمه منتهي جيتـك وكـل مرتجـي غفـران
وشفت الناس تعلنـي وتحذرنـي مـن الاتـي

زائر

يسلمووو

زائر

يعطيك العافيه !!

تحياتي ..

زائر

يعطيك العافيه؟
اللولو

تحياتي؟؟؟؟؟؟؟؟؟