صقلت .. من صمت الكـلام سيـوف
وجمعت مـن جيـش الهمـوم ارمـاح
وسريت في ظلما .. عمـى مااشـوف
ظلما (ن) مساريهـا .. مطـر وريـاح
والحزن .. كاويني علـى السرجـوف
صوتي غضب .. قلبي تعب .. ماارتـاح
اسـوق رجلـي والـدروب حتـوف
واشيـل قلبـي مـن بعـد مـاطـاح
اشيـل قلبـي والضلـوع كـفـوف
واضمد اجـراح الهـوى بـ..اجـراح
ياسيّـدي مالـك عـلـي حـلـوف
لـولا المحـبـه بـارقـك مــالاح
ولا هلـت غيومـك مطـر وقنـوف
ولا غنّـى للورقـى حـمـام ونــاح
وجه الزمن شاح.. بـ..ـعذاب وخوف
وعيـن النـدم تبكـي علـى مـاراح
تركـت لـي حمـلٍ يهـد كـتـوف
حمـلٍ علـى مـر العمـر مـاانـزاح
جمرة شقـا .. تصّـلا حنايـا الجـوف
وجـرحٍ عزيـزٍ بالـصـدر ذبــاح
